ما تبعدش عن حد عشان يعرف قيمتك .. إبعد عنه لما تعرف إنت قيمتك .. لازم رسالتك لنفسك قبل ما تكون للي قدامك إنك ( حد ) مش ( حاجه ) .. إنسان مش هيقبل في يوم انه يكون وسيله الشخص اللي قدامه يستعملها عشان يقضي بيها غرض و يمشي أو إنك تتركن على الرف زيك زي أي حاجه ممكن تتركن على رف في بيتك مع إنها كانت مبهره ليك زمان و شغفك نحيتها فضل يقل لأنها كانت متاحه قدامك طول الوقت .. و عشان هي ( جماد ) مكانش عندها رفاهية الإختيار انها تتزحزح ولو سنتي واحد من على الرف و التراب .
إنت مش خطه احتياطيه ومش هتكون بديل لحد مهما كان هو مين .. متقبلش بنصف إهتمام او نصف حب او نصف تقدير ..أه ضحي و اتحمل و اصبر ..مفيش علاقه على أي مستوى مفيهاش أعباء بس لازم تكون بتشوف تقدير لتضحياتك دي .. إحسان و عرفان بالمعروف و باللي بتقدمه .. متتنازلش عن راس مالك النفسي لحد مش بيديلك الا فتافيت من الفايض اللي هو مش محتاجه .
بقلم "اسلام سرحان"
إنت مش خطه احتياطيه ومش هتكون بديل لحد مهما كان هو مين .. متقبلش بنصف إهتمام او نصف حب او نصف تقدير ..أه ضحي و اتحمل و اصبر ..مفيش علاقه على أي مستوى مفيهاش أعباء بس لازم تكون بتشوف تقدير لتضحياتك دي .. إحسان و عرفان بالمعروف و باللي بتقدمه .. متتنازلش عن راس مالك النفسي لحد مش بيديلك الا فتافيت من الفايض اللي هو مش محتاجه .
بقلم "اسلام سرحان"